Njarðvík heimsótti nágranna sína í Grindavík í kvöld þegar ellefta umferð Lengjudeildarinnar hóf göngu sína.
Njarðvík byrjaði leikinn af krafti og var búið að gera út um hann á fyrstu tuttugu mínútum.
Lestu um leikinn: Grindavík 1 - 5 Njarðvík
„Við spiluðum frábærlega hérna í dag fannst mér" sagði Gunnar Heiðar Þorvaldsson þjálfari Njarðvíkur eftir sigurinn í kvöld.
„Mættum hrikalega vel til leiks og skorum fjögur mörk á tuttugu mínútum og sýndum það bara strax að við ætluðum að koma hérna og halda áfram þessari vegferð sem að við erum á. Þegar þessi lest er farin af stað þá er helvíti erfitt að stoppa hana"
Njarðvíkingar gengu frá leiknum strax í byrjun með fjórum mörkum en hvernig var tilfiningin á hliðarlínunni?
„Ekki það að maður sé eitthvað óþakklátur en það er drullu erfitt að vera komin allt í einu 4-0 yfir í byrjun og það er hellingur af mínútum eftir"
„Mér fannst við aðeins detta niður eftir fjórða markið og ætluðum að fara í eitthvað 'cruise control' og á móti liði með þessa hættulegu sóknarmenn þá ertu bara að bjóða þeim heim í dans"
„Ég er gríðarlega ósáttur að fá þetta mark á okkur. Það er gjörsamlega óþolandi að við þurfum alltaf að fá eitt mark á okkur. Ég hefði viljað fá 'clean sheet' hérna því það var svo sem ekkert að gerast hjá þeim"
Njarðvíkingar eru búnir að sækja fleiri stig núna fyrri hluta móts en á sama tíma í fyrra. Seinni hluti síðasta móts var ekki góð hjá Njarðvík en hvernig horfir framhaldið við í ár?
„Mjög vel, bara virkilega. Ég held að við allir gerum okkur grein fyrir því hvernig þetta var í fyrra og hvað þarf að gera núna og á hvaða stað við erum núna"
„Mér finnst að á sama tíma í fyrra þá finnst mér við vera á mun betri stað í dag heldur en í fyrra og mér finnst við mun heilsteyptari og það hjálpar okkur að langflestir af þessum leikmönnum voru í þessari stöðu í fyrra og vita þá nákvæmlega hvað þarf ekki að gera eða hvað þarf að gera til þess að þetta gerist ekki aftur"
Nánar er rætt við Gunnar Heiðar Þorvaldsson þjálfara Njarðvíkur í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍR | 12 | 7 | 4 | 1 | 21 - 8 | +13 | 25 |
| 2. Njarðvík | 12 | 6 | 6 | 0 | 30 - 12 | +18 | 24 |
| 3. HK | 12 | 7 | 3 | 2 | 24 - 13 | +11 | 24 |
| 4. Þróttur R. | 12 | 6 | 3 | 3 | 23 - 20 | +3 | 21 |
| 5. Þór | 12 | 6 | 2 | 4 | 28 - 19 | +9 | 20 |
| 6. Keflavík | 12 | 5 | 3 | 4 | 25 - 18 | +7 | 18 |
| 7. Grindavík | 12 | 4 | 2 | 6 | 28 - 36 | -8 | 14 |
| 8. Völsungur | 12 | 4 | 2 | 6 | 18 - 27 | -9 | 14 |
| 9. Fylkir | 12 | 2 | 4 | 6 | 16 - 20 | -4 | 10 |
| 10. Selfoss | 12 | 3 | 1 | 8 | 13 - 25 | -12 | 10 |
| 11. Fjölnir | 12 | 2 | 3 | 7 | 14 - 27 | -13 | 9 |
| 12. Leiknir R. | 12 | 2 | 3 | 7 | 12 - 27 | -15 | 9 |
