PSG og Tottenham eigast við í úrslitaleik Ofurbikars Evrópu í kvöld og hafa byrjunarliðin verið tilkynnt.
Í byrjunarliði PSG er fátt sem kemur á óvart. Lucas Chevalier þreytir frumraun sína í keppnisleik með félaginu og byrjar miðjumaðurinn öflugi Fabián Ruiz á bekknum. Bradley Barcola kemur inn í byrjunarliðið.
Nordi Mukiele og Joao Neves eru ekki með hópnum vegna meiðsla og leikbanns. Gianluigi Donnarumma er heldur ekki með.
Til samanburðar er ýmislegt sem kemur á óvart í byrjunarliði Tottenham í fyrsta keppnisleik Thomas Frank við stjórnvölinn.
Uppstillingin er óljós þar sem Frank virðist ætla að byrja með þriggja manna varnarlínu og Djed Spence í vængbakverði. Svo gæti komið í ljós að þetta er fjögurra manna varnarlína hjá Frank, með Spence úti á vinstri vængnum sem part af þriggja manna sóknarlínu. Það mun koma í ljós eftir að leikurinn verður flautaður á.
Brennan Johnson, Mathys Tel, Lucas Bergvall og Dominic Solanke byrja allir á bekknum. Joao Palhinha og Mohammed Kudus fara beint inn í byrjunarliðið ásamt Kevin Danso.
Það er mikið um meiðslavandræði í leikmannahópi Tottenham þar sem menn á borð við Dejan Kulusevski, James Maddison, Destiny Udogie og Radu Dragusin eru allir fjarri góðu gamni. Þá er miðjumaðurinn Yves Bissouma í agabanni.
PSG: Chevalier, Hakimi, Marquinhos, Pacho, Mendes, Zaire-Emery, Vitinha, Kvaratskhelia, Doue, Dembele, Barcola
Varamenn: Marin, Safonov, Beraldo, Hernandez, Kamara, Kang-in, Mbaye, Ramos, Ruiz
Tottenham: Vicario, Porro, Romero, Danso, Van de Ven, Spence, Palhinha, Bentancur, Sarr, Kudus, Richarlison
Varamenn: Austin, Kinsky, Davies, Vuskovic, Byfield, Bergvall, Gray, Johnson, Odobert, Solanke, Tel
13.08.2025 05:55
Ofurbikar Evrópu í dag - PSG og Tottenham eigast við á Ítalíu
Athugasemdir
