Newcastle á eftir Scalvini - Barcelona snýr sér aftur að Díaz - Tottenham vill belgískan miðvörð
   sun 13. september 2020 21:34
Guðmundur Aðalsteinn Ásgeirsson
Neymar og fjórir aðrir fengu rautt þegar Marseille lagði PSG
Paris Saint-Germain fer ekki vel af stað í frönsku úrvalsdeildinni á nýju tímabili.

Liðið tapaði gegn nýliðum Lens í fyrstu umferð og í kvöld tapaði PSG gegn erkifjendum sínum í Marseille með sömu markatölu, 1-0. Florian Thauvin skoraði eina markið eftir hálftíma leik.

Neymar og Angel Di Maria sneru aftur í lið PSG eftir að hafa verið frá með kórónuveiruna í fyrsta leik. Kylian Mbappe er hins vegar enn frá eftir að hafa greinst með veiruna.

Það var hart barist í þessum leik í kvöld og það urðu mikil slagsmál undir lokin sem varð þess valdandi að fimm rauð spjöld fóru á loft. Jordan Amavi og Darío Benedetto úr Marseille og Layvin Kurzawa, Leandro Paredes og Neymar úr PSG var vikið af velli undir lokin.

Hér að neðan má sjá myndskeið af því þegar það sauð upp úr undir lokin.


Athugasemdir
banner