13.11.25 - 07:40
Elvar Geir Magnússon
Á þriðja tug Íslendinga meðal fjögur þúsund áhorfenda
Neftci völlurinn í Bakú.
Mynd: Fótbolti.net - Elvar Geir Magnússon
Neftci völlurinn í Bakú.
Mynd: Fótbolti.net - Elvar Geir Magnússon
Það er leikdagur í Bakú en klukkan 17 í dag að íslenskum tíma, 21 að staðartíma, verður flautað til leiks.
Framundan eru tveir úrslitaleikir hjá íslenska landsliðinu. Ísland þarf sigur í kvöld til að vera öruggt með úrslitaleik gegn Úkraínu í lokaumferðinni á sunnudaginn, um sæti í umspilinu. Ef Úkraína tapar gegn Frakklandi mun Íslandi þá nægja jafntefli í þeim leik.
Framundan eru tveir úrslitaleikir hjá íslenska landsliðinu. Ísland þarf sigur í kvöld til að vera öruggt með úrslitaleik gegn Úkraínu í lokaumferðinni á sunnudaginn, um sæti í umspilinu. Ef Úkraína tapar gegn Frakklandi mun Íslandi þá nægja jafntefli í þeim leik.
TENGT EFNI
Lítið pláss fyrir Arnar á Neftci vellinum - Mikael æfði ekki
Búist er við um fjögur þúsund áhorfendum á leikinn í Bakú, þar af á þriðja tug stuðningsmanna Íslands. Keppnisvöllurinn, Neftci leikvangurinn, tekur alls um ellefu þúsund manns svo enn er hellingur af lausum miðum á leikinn.
Það verða um 70 íþróttafréttamenn á leiknum og 30 ljósmyndarar.
Landslið Aserbaísjan leikur heimaleiki sína á þremur mismunandi stöðum í Bakú. Síðasti leikur Asera í riðlinum, gegn Frakklandi, verður á Tofiq Bahramov leikvangnum sem Qarabag notar í Meistaradeildinni en hann tekur rúmlega 30 þúsund áhorfendur.
Það verða um 70 íþróttafréttamenn á leiknum og 30 ljósmyndarar.
Landslið Aserbaísjan leikur heimaleiki sína á þremur mismunandi stöðum í Bakú. Síðasti leikur Asera í riðlinum, gegn Frakklandi, verður á Tofiq Bahramov leikvangnum sem Qarabag notar í Meistaradeildinni en hann tekur rúmlega 30 þúsund áhorfendur.
