Magnús Gylfason og Hörður Magnússon
Liverpool og Manchester United mætast í toppslag í ensku úrvalsdeildinni á sunnudaginn. Þessir erkifjendur hafa ekki verið á sama tíma í titilbaráttu í langan tíma.
Hörður Magnússon, lýsandi á Viaplay, og Magnús Gylfason, stjórnarmaður hjá KSÍ, fóru yfir málin fyrir þennan stórleik í hlaðvarpsþættinum „Enski boltinn."
Hörður Magnússon, lýsandi á Viaplay, og Magnús Gylfason, stjórnarmaður hjá KSÍ, fóru yfir málin fyrir þennan stórleik í hlaðvarpsþættinum „Enski boltinn."
„Frá því að ég byrjaði að fylgjast með hafa þessir miklu erkifjendur nánast ekki verið á toppnum á sama tíma í deildinni. Það er mikið eftir af mótinu en miðað við hvernig Liverpool hefur spilað upp á síðkastið og hvernig United hefur halað upp sigrum þá tel ég þetta vera algjöran 50/50 leik," sagði Hörður í þættinum.
„Manchester United kemur með þá gulrót í þennan leik að ná sex stiga forystu á Liverpool. Síðan er stutt í City og fleiri stórleiki hjá Liverpool. Þetta er dauðafæri fyrir United. Með sigri stimpla þeir sig algjörlega inn í toppbaráttu. Ef Liverpool vinnur gæti ég haldið að þetta sveiflist aftur í áttina að Liverpool og City."
„Manchester United á þessum stað í tilverunni ákaflega gott færi á því að koma virkilega þungu höggi á Liverpool. Ég held að þeir fái ekkert mikið betra tækifæri til að koma með eitt þungavigtar á þá. Að sjálfsögðu vona ég að það gerist ekki."
Manchester United hefur verið á góðu skriði undanfarnar vikur og Magnús er bjartsýnni fyrir leikinn við Liverpool en fyrir síðustu leiki liðanna.
„Loksins á United góðan möguleika á að stríða Liverpool. Þetta hafa verið hörkuleikir síðustu ár en maður hefur ekki verið jafn vongóður og núna. Liverpool hefur ekki verið upp á sitt besta
síðustu vikur," sagði Maggi.
„Við erum orðnir samkeppnishæfari. Við erum að fara að spila á Anfield og Liverpool tapar sjaldan þar. Liverpool er sigurstranglegra liðið á sunnudaginn þó að United sé á toppnum,"
„Þó að það sé erfitt að segja það beint þá verð ég að láta það vaða að Liverpool og Manchester City virðast ennþá vera hænufeti á undan öðrum liðum í deildinni."
Það eru White Fox, Viking gylltur (léttöl) og Domino's sem bjóða upp á þáttinn. Hér að neðan má hlusta á þáttinn.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 25 | 17 | 5 | 3 | 49 | 17 | +32 | 56 |
| 2 | Man City | 25 | 15 | 5 | 5 | 51 | 24 | +27 | 50 |
| 3 | Aston Villa | 25 | 14 | 5 | 6 | 36 | 27 | +9 | 47 |
| 4 | Man Utd | 25 | 12 | 8 | 5 | 46 | 36 | +10 | 44 |
| 5 | Chelsea | 25 | 12 | 7 | 6 | 45 | 28 | +17 | 43 |
| 6 | Liverpool | 25 | 11 | 6 | 8 | 40 | 35 | +5 | 39 |
| 7 | Brentford | 25 | 12 | 3 | 10 | 39 | 34 | +5 | 39 |
| 8 | Everton | 25 | 10 | 7 | 8 | 28 | 28 | 0 | 37 |
| 9 | Sunderland | 25 | 9 | 9 | 7 | 27 | 29 | -2 | 36 |
| 10 | Fulham | 25 | 10 | 4 | 11 | 35 | 37 | -2 | 34 |
| 11 | Bournemouth | 25 | 8 | 10 | 7 | 41 | 44 | -3 | 34 |
| 12 | Newcastle | 25 | 9 | 6 | 10 | 35 | 36 | -1 | 33 |
| 13 | Crystal Palace | 25 | 8 | 8 | 9 | 26 | 29 | -3 | 32 |
| 14 | Brighton | 25 | 7 | 10 | 8 | 34 | 33 | +1 | 31 |
| 15 | Tottenham | 25 | 7 | 8 | 10 | 35 | 35 | 0 | 29 |
| 16 | Leeds | 25 | 7 | 8 | 10 | 34 | 43 | -9 | 29 |
| 17 | Nott. Forest | 25 | 7 | 5 | 13 | 25 | 38 | -13 | 26 |
| 18 | West Ham | 25 | 6 | 5 | 14 | 31 | 48 | -17 | 23 |
| 19 | Burnley | 25 | 3 | 6 | 16 | 25 | 49 | -24 | 15 |
| 20 | Wolves | 25 | 1 | 5 | 19 | 16 | 48 | -32 | 8 |
Athugasemdir
