„Joel Matip er gangandi meiðslapjakkur. Hann er hins vegar að mínu mati næsbesti miðvörður Liverpool. Mér finnst hann vera betri en Joe Gomez. Hann getur bara spilað 2-3 leiki í röð," sagði Hörður í þættinum.

Virgil van Dijk og Joe Gomez eru meiddir og því mun fyrirliðinn Jordan Henderson eða hinir óreyndu Nat Phillips eða Rhys Williams spila við hlið Fabinho í hjarta varnarinar ef Matip nær ekki leiknum.

„Ég myndi spila Nat Phillips. Hann er rosalegur í loftinu en hann er töluvert hægari en Harry Maguire," sagði Hörður en hann reiknar ekki með að Liverpool kaupi nýjan miðvörð í þessum mánuði.

„Það eru engir peningar til skiptanna hjá þessum stóru klúbbum. Við erum að sjá gríðarlegt rekstrartap og ég held að menn muni halda að sér höndum. Napoli er að reyna að vippa honum upp í 100 milljónir punda en þð er ekkert enskt félag að fara að borga það fyrir 29 ára leikmann," sagði Hörður.

Það eru White Fox, Viking gylltur (léttöl) og Domino's sem bjóða upp á þáttinn. Hér að neðan má hlusta á þáttinn.