FIFA birti nýja reglugerð fyrr á árinu er varðar umboðsmenn í knattspyrnu. Héðan í frá munu árleg skráningargjöld allra umboðsmanna á heimsvísu renna til FIFA, sem sér um að halda utan um alla skráða umboðsmenn í heimi.
Umboðsmenn þurfa því að stofna aðgang á sérstöku FIFA kerfi og hlaða upp öllum upplýsingum. Fyrst þurfa þeir þó að standast sérstakt umboðsmannapróf og rennur skráningarfrestur í það út á morgun, miðvikudaginn 15. mars. Til að skrá sig í prófið þarf að stofna aðgang inn á FIFA kerfinu.
Prófið sjálft fer fram í höfuðstöðvum KSÍ miðvikudagin 19. apríl.
Skrifstofa KSÍ mun innheimta próftökugjald að upphæð kr. 26.500,- sem þarf að greiða áður en próf eru þreytt.
Frekari gögn til skýringa eru aðgengileg inn á nýju skráningarkerfi FIFA, ásamt lesefni fyrir prófið.
Tengiliður hjá KSÍ vegna skráningar umboðsmanna og töku umboðsmannaprófs er Fannar Helgi Rúnarsson ([email protected]).