Andy Robertson, vinstri bakvörður Liverpool, segir að Englandsmeistarar Manchester City viti að Liverpool sé „komið til að vera".
Liverpool fékk 97 stig í ensku úrvalsdeildinni á nýliðnu tímabili en missti þó af Englandsmeistaratitlinum.
Liverpool fékk 97 stig í ensku úrvalsdeildinni á nýliðnu tímabili en missti þó af Englandsmeistaratitlinum.
„Við erum þéttur hópur með marga unga leikmenn," segir hinn 25 ára Robertson.
„Vonandi verðum við hér í mörg ár og verðum enn þroskaðri og reynslumeiri á næsta ári. Man City veit að við erum komnir til að vera og við vitum að þeir verða klárlega áfram í þessari stöðu. Þeir eru magnaðir."
„Maður krossleggur fingur og vonar að við missum engan leikmann. Við munum fara inn í næsta tímabil öflugri en nokkru sinni fyrr. Hvort við náum svipaðri frammistöðu á eftir að koma í ljós en við vonumst til þess."
Tímabilinu er ekki lokið hjá Liverpool en liðið mun etja kappi við Tottenham í úrslitaleik Meistaradeildarinnar þann 1. júní.
Athugasemdir