Víkingar eru tveimur mörkum yfir furðulegt að Kjartan Henry Finnbogason sóknarmaður FH sé ekki kominn með rautt spjald. Reyndar fékk Kjartan ekki einu sinni gult spjald í fyrri hálfleiknum.
„Eftir að hafa séð endursýningar af þessum atvikum hjá Kjartani Henry þá verð ég að segja að það er með ólíkindum að maðurinn sé ennþá inni á vellinum," skrifaði Kjartan Leifur Sigurðsson sem textalýsir leiknum.
Lestu um leikinn: Víkingur R. 2 - 0 FH
Kjartan sparkaði frá sér í baráttu við Birni Snæ Ingason og var nálægt því að sparka í andlitið á honum. Seinna í hálfleiknum var Nikolaj Hansen blóðugur eftir að hafa fengið olnbogaskot frá Kjartani í baráttu í teignum.
„Þetta er rautt spjald, sparkið áðan á líka að vera rautt spjald. Svo í marki tvö vill hann fá bakhrindingu og ýtir í bakið á Pétri (Guðmundssyni dómara). Ég verð að gefa Pétri gula spjaldið fyrir að taka ekki á því máli. Yngri og óreyndari leikmaður hefði alltaf fengið spjald. Það á ekki að vera þannig að það skipti máli hvað þú heitir," segir Máni Pétursson sérfræðingur á Stöð 2 Sport.
„Er íslenskur fótbolti ekki kominn með nóg af Kjartani Henry? Hann er bara inná vellinum til að reyna að slasa fólk," skrifar Einar Guðnason, fyrrum aðstoðarþjálfari Víkings, á Twitter.
Er íslenskur fótbolti ekki kominn með nóg af Kjartani Henry. Hann er bara inná vellinum til að reyna að slasa fólk
— Einar Guðnason (@EinarGudna) May 14, 2023
Þetta er bara ein mesta þvæla sem ég hef séð og gæti bara endað illa.
— Hrannar Már (@hrannaremm) May 14, 2023
Kjartan Henry er bara að klára þennan fyrri hálfleik án þess að vera kominn með svo mikið sem gult. Pétur Guðmundsson í gríninu. #fotboltinet
— Elvar Geir Magnússon (@elvargeir) May 14, 2023
Kjartan Henry hlýtur að fara í bann. #fotboltinet
— Björn Friðgeir Björnsson (@bjornfr) May 14, 2023
Að Kjartan Henry sé ekki kominn með spjald í fyrri hálfleik er rannsóknarefni fyrir lögregluna. Fulltrúi hennar er á staðnum og er jafn aðgerðalaus og umferðakeila á miðri hraðbraut.
— Þorsteinn Arnórss (@kallinn81) May 14, 2023
Kjartan Henry í fyrri hálfleik gegn FH:
— Stefán Bjarki???????? (@StefanBjarki6) May 14, 2023
Hrinti dómaranum
Sparkaði í átt að Birni þegar hann datt (Birnir heppinn)
Gefur Niko klárt olnbogaskot og blóðgar hann
Afhverju getur aganefnd KSÍ ekki tekið fyrir tilraun Kjartan Henry og sett hann í bann?
— Bjarni Ólafur Eiríks (@BjarniOlafur) May 14, 2023
Var að sjá þennan olnboga frá Kjartani Henry. Djöfull er þetta ljótt að sjá! Að Pétur (sem var í beinni sjónlínu sýndist mér) hafi ekki gefið spjald (rautt) er með ólíkindum. #fotboltinet
— Matti Matt. Hann/Him (@mattimatt) May 14, 2023