Toni Kroos er að spila á sínu síðasta stórmóti en Þjóðverjinn mun leggja skóna á hilluna þegar mótinu lýkur.
Þessi 34 ára gamli miðjumaður hefur átt stórkostlegan feril en hann á eftir að bæta EM gullinu í safnið. Hann varð heimsmeistari með þýska landsliðinu á HM árið 2014.
EM fer fram í Þýskalandi í ár en opnunarleikurinn fór fram í kvöld þar sem heimamenn völtuðu yfir Skotland 5-1.
Frammistaða Kroos var stórkostleg en tölfræðin hans í leiknum hefur sjaldan eða aldrei sést áður frá því að mælingar hófust. Hann átti 102 sendingar í leiknum og aðeins ein rataði ekki á samherja. Þá heppnuðust allar 55 sendingar hans í fyrri hálfleik.
Hann átti m.a. stórkostlega sendingu fram völlinn á Joshua Kimmich sem lagði upp fyrsta mark leiksins á Florian Wirtz í kjölfarið.
99% - Toni Kroos completed 99% of his passes against Scotland (101/102); the highest completion rate on record (since 1980) by any player to attempt 100+ passes in a game at the EUROs. Cruise. #EURO2024 pic.twitter.com/aiDlxSz0tS
— OptaJoe (@OptaJoe) June 14, 2024