Senegali á reynslu
Jerson Dos Santos er kominn aftur til BÍ/Bolungarvíkur. Hér er hann í leik með Fjarðabyggð árið 2013.
Fabian Broich er á förum frá BÍ/Bolungarvík.
BÍ/Bolungarvík hefur ákveðið að blása í herlúðra fyrir síðari umferðina í 1. deild karla eftir vont gengi í fyrri umferðinni. BÍ/Bolungarvík hefur samið við þrjá nýja erlenda leikmenn og eru með þann fjórða til skoðunar.
BÍ/Bolungarvík er í langneðsta sæti í 1. deild með 4 stig, sjö stigum frá öruggu sæti en liðið hefur ákveðið að bæta í hópinn fyrir síðari umferðina.
BÍ/Bolungarvík er í langneðsta sæti í 1. deild með 4 stig, sjö stigum frá öruggu sæti en liðið hefur ákveðið að bæta í hópinn fyrir síðari umferðina.
„Það er annað hvort að gefast upp og vera aumingi eða blása í seglin og halda áfram," sagði Samúel Samúelsson formaður BÍ/Bolungarvíkur í samtali við Fótbolta.net í dag.
Nýju leikmennirnir sem um ræðir eru Fabrizio Prattico, Jerson Dos Santos og Randell Harrevelt.
Fabrizio er ítalskur markvörður en hann fyllir skarð Fabian Broich sem er á förum frá BÍ/Bolungarvík. Fabrizio var síðast á mála hjá Syrianska í sænsku B-deildinni.
Jerson Dos Santos spilaði með BÍ/Bolungarvík í 1. deildinni árið 2012 en árið eftir var hann á láni hjá Fjarðabyggð þar sem hann skoraði 13 mörk í 3. deildinni.
Harrevelt er síðan hollenskur framherji sem spilaði síðast í Belgíu.
Þá er senegalski kantmaðurinn Rideal Fall á reynslu hjá Vestfirðingum þessa dagana en hann hefur spilað í Noregi.
BÍ/Bolungarvík var með sjö erlenda leikmenn í leikmannahóp sínum í síðasta leik gegn Gróttu en auk Fabian er spænski framherjinn David Cruz Fernandez á förum frá liðinu í dag.
David kom til BÍ/Bolungarvíkur í vor en hann hefur skorað þrjú mörk í átta leikjum í 1. deildinni í sumar.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
