Randolph er 34 ára gamall en hann er þriðji markvörður Hamranna og hefur ekkert spilað á tímabilinu.

Aston Villa er talið hafa áhuga á að fá Randolph lánaðan en að sögn Moyes þá er ekki í boði að hann fari annað.

Lukasz Fabianski og Alphonse Ariola eru markverðir West Ham og er því lítið í boði fyrir Írann þegar kemur að mínútum.

„Ég hef engan áhuga á að leyfa Darren að fara, við höfum ekki fengið neitt kauptilboð," sagði Moyes.

„Það eina sem við höfum fengið er lánstilboð. Ég get ekki séð af hverju ég ætti að leyfa Darren að fara á lán. Þannig er staðan."