„Við byrjuðum ótrúlega vel. Við spiluðum mjög, mjög góðan leik. Það var mikil orka í okkur, en við gerðum líka vel fótboltalega," sagði Klopp eftir leik.

Leikurinn var frábær skemmtun. Einhvern veginn tókst Liverpool að vera undir í hálfleik, þrátt fyrir yfirburði inn á vellinum. Enska stórliðið kom svo til baka í seinni hálfleik.

„Við hættum að gera hlutina einfalda og héldum ekki skipulagi, bæði sóknarlega og varnarlega. Þegar svæðin verða of stór, þá getur Fabinho ekki einu sinni leyst vandamálið. Þeir spiluðu á milli okkar og skoruðu tvö mörk. En við höfðum alltaf trú á því að við gætum komið til baka."

„Við urðum að spila aftur eins og við byrjuðum leikinn. Við skoruðum frábær mörk, en á tíu mínútum breytti AC Milan næstum því leiknum alveg."

„Þetta er liðið sem við fengum úr fjórða styrkleikaflokki. AC Milan! Þetta er erfiður riðill og þess vegna er mjög mikilvægt að vinna þennan leik."