Harry Kane hefur byrjað tímabilið vel í treyju Bayern Munchen en hann hefur skorað þrjú mörk í jafnmörgum leikjum í þýsku deildinni.
Þessi þrítugi Englendingur gekk til liðs við félagið frá Tottenham í sumar en hann hefur áður sagt frá því að það sé allt öðruvísi pressa að spila fyrir Bayern.
Hann komst í úrslit Meistaradeildarinnar með Tottenham árið 2019 þar sem liðið tapaði fyrir Liverpool í úrslitum. Bayern mætir FC Kaupmannahöfn, Galatasaray og Manchester United í riðlakeppninni í ár.
Kane er spenntur að mæta ensku liði í keppninni.
„Meistaradeildin er ekki byrjuð en við ætlum að vinna hana. Það er öðruvísi pressa og ég finn að það hjálpar mér að verða betri á stærsta sviðinu," sagði Kane.
„Ég fann það á mér að við myndum fá enskt lið. Að fara inn í Meistaradeildina sem eitt af sigurstranglegustu liðunum er allt öðruvísi en að fara inn í hana og vonast til að komast upp úr riðlinum."
