„Þú gerir það samt áfram. Ertu að grínast? Það er vika frá því að glugginn lokaði og þú spyrð út í janúargluggann?" spurði Jurgen Klopp, stjóri Liverpool, á fréttamannafundi í dag.
Komið var inn á framtíð Mo Salah hjá félaginu, að það væri hægt að hætta ræða hana í bilinu, en hann var sterklega orðaður við Sádi-Arabíu undir lok félagaskiptagluggans og hafnaði Liverpool risatilboði þaðan.
„Þú getur ekki beðið! Ég hef engar áhyggjur, var ekkert að hugsa um það fyrr en þú opnaðir á þetta núna," sagði Klopp.
Liverpool á leik gegn Wolves í hádeginu á morgun. Liðið verður án Trent Alexander-Arnold í leiknum vegna meiðsla. Thiago Alcantara er byrjaður að hlaupa aftur og Ibrahima Konate hefur æft síðustu tvo daga með liðinu.
Ryan Gravenberch, miðjumaðurinn sem Liverpool fékk frá Bayern á lokadegi gluggans, gæti spilað á morgun. Hann ákvað að gefa ekki kosta á sér í landsliðsverkefnið til að koma sér fyrir í Liverpool.
„Við sjáum til með hann. Hann æfði hér og er búinn að ganga frá öllu; við eigum leiki á þriggja daga fresti núna, hann er búinn að skipuleggja allt og það hagnast honum. Ég skil að hollenska sambandið var ekki ánægt, en strákurinn vill spila fótbolta."
„Hann nýtti hléið í að laga marga hluti sem menn gera venjulega í flýti."
????? "A week after the window closes you ask me about a January transfer?!" ????
— Football Daily (@footballdaily) September 15, 2023
Jurgen Klopp laughs off a question about Mo Salah's future at Liverpool pic.twitter.com/FFl8LqdzKi
Athugasemdir
