Pep Guardiola, knattspyrnustjóri Manchester City, er að íhuga það að fá Caglar Soyuncu eða Jonny Evans frá Leicester City en það er Sky Sports sem greinir frá.
Man City hefur verið í vandræðum með miðvarðarstöðuna en Aymeric Laporte, sem hefur spilað lykilhlutverk þar, verður frá fram næstu mánuði. Þá fór Vincent Kompany frá liðinu í sumar og samdi við Anderlecht í Belgíu.
Guardiola hefur sagt að hann ætli ekki að kaupa miðvörð í janúar en félagið hefur þurft að spila Fernandinho í vörninni og virðist þörf á því að fá inn varnarmann
Samkvæmt Sky Sports er Man City að íhuga það að fá inn Jonny Evans eða Caglar Soyuncu frá Leicester sem hefur byrjað tímabilið af krafti og situr í 2. sæti.
Man City reyndi að fá Evans árið 2017 frá WBA en félagið hafnaði öllum tilboðunum áður en hann samdi svo við Leicester ári síðar á 3,5 milljónir punda.
Athugasemdir
