Yoane Wissa fagnar hér marki með Brentford.
Nottingham Forest mun reyna að fá Yoane Wissa frá Brentford ef Taiwo Awoniyi fer frá félaginu í þessum mánuði. Þetta herma heimildir Telegraph.
Wissa er 28 ára gamall og hefur skorað tólf mörk í öllum keppnum á tímabilinu.
Wissa er 28 ára gamall og hefur skorað tólf mörk í öllum keppnum á tímabilinu.
Wissa er ofarlega á óskalista Forest en Arsenal hefur einnig sett hann á óskalista sinn. Fjölhæfni hans framarlega á vellinum er að heilla félögin.
Wissa gekk í raðir Brentford frá Lorient í Frakklandi fyrir 8,5 milljónir punda sumarið 2021.
Awoniyi er sterklega orðaður við West Ham en ef hann fer, þá mun Forest líklega reyna við Wissa.
Forest er sem stendur í þriðja sæti ensku úrvalsdeildarinnar og Arsenal er í öðru sæti.
Athugasemdir
