„Bara hrikalega ánægður, við lögðum grunninn að sigrinum með frábærum fyrri hálfleik," sagði Arnar Gunnlaugsson þjálfari Víkinga í viðtali eftir 3-0 sigur á Breiðablik.

„Ég held að frammistaðan í fyrri hálfleik hafi verið ein sú besta sem liðið hefur sýnt undir minni stjórn, við vorum gríðarlega þéttir og öflugir. Blikarnir eru með hörku, hörkulið og eru með frábært fótboltalið. Við þurftum svo sannarlega að allir leikmenn myndu vera með leikinn sinn spot on."

Lestu um leikinn: Víkingur R. 3 -  0 Breiðablik

Víkingar eru nú komnir með þrjá sigra á leiktíðinni eða jafn marga sigra og allt síðasta tímabil.

„Þetta var skrítið tímabil í fyrra, ég hef það á tilfinningunni að leikmenn skuldi einhvað, fullt af leikjum í fyrra sem voru engin hörmung en þá gekk ekkert upp, við gerum átta jafntefli. Menn slípuðu sig vel saman í vetur en það eru bara fjórir leikir búnir núna og menn verða vera fljótir niður á jörðina og halda sama focus leveli áfram."

Þórður Ingason var frábær í marki Víkinga í kvöld og Ingvar Jónsson að koma til baka úr meiðslum, erfitt fyrir Ingvar að komast í liðið?

„Ingvar auðvitað þekkir leikinn. Það verður bara frábært þegar við fáum hann til baka en Doddi er bara búinn að vera standa sig hrikalega vel eftir að hann kom inn í liðið og í stöðunni 1-0 í dag ver hann frábærlega sem heldur okkur inn í leiknum þannig hann er bara að nýta sér tækifærið."

Viðtalið má sjá í heild sinni hér fyrir ofan.

Tweet

Senda a Facebook Hafdu samband Senda frétt Prenta frétt Frétta leit