Ítalska úrvalsdeildarfélagið Sassuolo ætlar að horfa til Englands ef Manuel Locatelli verður seldur í sumar.
Locatelli átti fínt Evrópumót með ítalska landsliðinu og er hann sagður efstur á óskalista Juventus þegar kemur að miðjumönnum. Hann gæti farið á allt að 40 milljónir evra.
Ef Locatelli fer, þá er Marko Grujic efstur á lista Sassuolo samkvæmt Sky Sports.
Grujic hefur verið hjá Liverpool frá 2016 en ekki fengið mörg tækifæri með aðalliðinu. Leikmaðurinn, sem er 25 ára, hefur undanfarin ár farið á láni til Cardiff, Hertha Berlín og Porto.
Davide Cangini, sem er yfirmaður leikmannamála hjá Sassuolo, er mikill aðdáandi Grujic. Serbneski miðjumaðurinn er metinn á 13 milljónir punda.
Athugasemdir