„Þetta er búið að vera hangandi yfir lengi og það er hrikalega ljúft að klára þetta," sagði Óskar Örn Hauksson, fyrirliði KR, eftir sigur á Val í kvöld.
Lestu um leikinn: Valur 0 - 1 KR
KR tryggði sér Íslandsmeistaratitilinn með sigri á Val í kvöld.
„Við tókum þetta gamla, einn leik í einu og allt það. Það skilaði okkur hingað. Það er ógeðslega gott að klára þetta í dag. Þá er þetta frá og við getum notið þess að klára þetta mót."
„Þetta er sennilega næst besti staðurinn fyrir KR-inga að fagna titli. Ég er ánægður með að gera það fyrir hönd allra KR-inga. Það er aukaatriði," sagði Óskar um að vinna titilinn á Hlíðarenda.
Að lokum sagði Óskar: „KR-ingar eru bara bestir, það er bara þannig."
Viðtalið er í heild sinni hér að ofan.
Athugasemdir