Juventus 3 - 1 Lazio
1-0 Dusan Vlahovic ('10)
2-0 Federico Chiesa ('26)
2-1 Luis Alberto ('64)
3-1 Dusan Vlahovic ('67)
Dusan Vlahovic hefur byrjað nýtt tímabil af krafti á Ítalíu og skoraði tvennu í frábærum sigri á Lazio í dag.
Vlahovic kom Juve yfir með laglegu marki snemma leiks og tvöfaldaði Federico Chiesa svo forystuna með föstu skoti.
Lazio gerðu sig hættulega á köflum en tókst ekki að komast í gegnum skipulagða vörn Juve, sem verðskuldaði tveggja marka forystu í leikhlé.
Luis Alberto minnkaði muninn í síðari hálfleik með góðu skoti utan teigs en Vlahovic var snöggur að svara og tvöfaldaði hann forystu heimamanna á ný með frábæru marki eftir langa sendingu frá Weston McKennie upp völlinn.
Lokatölur 3-1 og verðskuldaður sigur Juve staðreynd. Lærisveinar Max Allegri eru komnir með 10 stig eftir fjórar umferðir á meðan Lazio situr eftir með 3 stig.
Lecco 0 - 2 Brescia
Pisa 1 - 1 Bari
Birkir Bjarnason lék þá allan leikinn er Brescia lagði Lecco að velli í B-deildinni.
35 ára gamall Birkir hefur verið að festa sig í sessi sem mikilvægur hlekkur á miðju Brescia og er liðið með sex stig eftir tvær umferðir.
Hjörtur Hermannsson var þá ekki í hóp þegar Pisa gerði jafntefli við Bari, en hann spilaði með íslenska landsliðinu í sigri gegn Bosníu á dögunum.
