Maddison vann fréttamann Sky í pílu

Enska landsliðið hefur ákveðið að gera það að hefð að keppa við enska fjölmiðlamenn í pílukasti á stórmótum. Þessi hefð var sett á laggirnar á EM og er viðhaldið á HM í Katar.

James Maddison, leikmaður Leicester, ræddi við enska fjölmiðla í dag en fyrir fréttamannafundinn mætti hann Rob Dorsett, fréttamanni Sky Sports, í pílu.

Leikmenn hafa tekið 1-0 forystu í keppni leikmanna við fjölmiðlamenn því Dorsett þurfti að lúta í lægra haldi fyrir Maddison.

England er með Íran, Wales og Bandaríkjunum í riðli á HM.