Útskýrir af hverju Bruno var á hægri vængnum gegn City

Hann er vanur því að spila sem fremsti miðumaður en hefur byrjað fjóra leiki á hægri vængnum á tímabilinu og United hefur unnið þá alla. Í öllum leikjum hefur hann svo færst miðsvæðis þegar liðið hefur á leikinn.

„Við vörðumst eins og venjulega en þegar við vorum með boltann hafði hann það hlutverk að vera aukaleikmaður á milli línanna til að búa til vandræði fyrir andstæðingana, skapa óvissu og rugling. Mér fannst hann leysa það hlutverk frábærlega," segir Ten Hag.

„Aðrir í liðinu aðlöguðust stöðunum vel og við áttum góð áhlaup og fundum lausa leikmenn. Bruno var mikilvægur þáttur í þessu og mikilvægur í pressunni líka. Ég veit ekki hvort hann var valinn maður leiksins en í mínum huga var hann klárlega maður leiksins."

United hefur unnið níu leiki í röð og ef liðið vinnur Crystal Palace í deildinni annað kvöld hefur það tengt saman tíu sigurleiki í röð í fyrsta sinn síðan í febrúar 2009.