Daníel Hafsteinsson skoraði með þrumufleyg gegn ÍA.
Brasilíumaðurinn Fred er í liðinu.
Blikar eru á flugi.
Það er Steypustöðin sem færir þér úrvalslið hverrar umferðar í Bestu deildinni. Í Innkastinu í morgun var opinberað val á leikmanni 6. umferðar en hér er úrvalsliðið.
Breiðablik er eina liðið með fullt hús og Óskar Hrafn Þorvaldsson er þjálfari umferðarinnar eftir 3-0 útisigur gegn Víkingi.
Jason Daði Svanþórsson skoraði eitt og átti tvær stoðsendingar, Dagur Dan Þórhallsson og Damir Muminovic voru einnig fantagóðir og eru í úrvalsliðinu.
Breiðablik er eina liðið með fullt hús og Óskar Hrafn Þorvaldsson er þjálfari umferðarinnar eftir 3-0 útisigur gegn Víkingi.
Jason Daði Svanþórsson skoraði eitt og átti tvær stoðsendingar, Dagur Dan Þórhallsson og Damir Muminovic voru einnig fantagóðir og eru í úrvalsliðinu.
Þorsteinn Már Ragnarsson skoraði eina markið í Vesturbænum þar sem KR vann 1-0 gegn Keflavík. Nacho Heras, varnarmaður Keflavíkur, er einnig í liði umferðarinnar.
Brasilíumaðurinn Fred Saravia skoraði fyrra mark Fram í 2-1 útisigri gegn Leikni. Þetta var fyrsti sigur Framara í sumar og í raun fyrsti sigur liðsins í efstu deild síðan 2014. Leiknismenn eru enn án sigurs.
Stjarnan vann 1-0 sigur gegn Val þar sem Daníel Laxdal var valinn maður leiksins. Þá er markvörðurinn Haraldur Björnsson einnig í úrvalsliðinu.
Daníel Hafsteinsson var besti maður vallarins og skoraði fyrsta mark KA sem lagði ÍA 3-0 á útivelli. KA er enn ósigrað í deildinni og situr í öðru sæti. Ívar Örn Árnason er einnig í úrvalsliðinu.
Þá er Davíð Snær Jóhannsson fulltrúi FH eftir 2-0 sigur gegn ÍBV. Davíð skoraði annað mark FH en það var hans fyrsta mark í efstu deild.
Sjá fyrri úrvalslið:
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar
Athugasemdir
