Sancho gerði flotta hluti á láni hjá Dortmund á seinni hluta síðustu leiktíðar og vakti mikla athygli á sér, eftir að hafa átt afar erfitt uppdráttar hjá Man Utd.

Sky Sports greinir frá því að Dortmund hafi mikinn áhuga á að fá Sancho aftur til sín, en að Juventus sé einnig með í kappinu.

Bæði lið þurfa þó að selja leikmenn áður en þau geta keypt Sancho, sem á tvö ár eftir af samningi við Rauðu djöflana.

Sancho er 24 ára gamall og gæti orðið partur af byrjunarliði Man utd undir stjórn Ten Hag.

„Við erum búnir að draga línuna, við erum komnir yfir þetta. Manchester United þarf góða leikmenn til að sigra og Jadon er góður leikmaður," sagði Ten Hag meðal annars fyrir æfingaleik hjá Man Utd í gær.