ÍA fékk Leikni R. í heimsókn í sannkölluðum fallbaráttuslag fyrr í dag. Leikar enduðu 2-1 fyrir Breiðhyltingum þó að Skagamenn skoruðu öll mörkin. Þeir Tobias Stagaard og Viktor Jónsson urðu báðir fyrir því óláni að setja boltann í sitt eigið net. ÍA er í botnsæti deildarinnar með 15 stig en þeir eru 5 stigum frá í öruggu sæti í deildinni. Jón Þór Hauksson þjálfari ÍA mætti súr í viðtal eftir leik.
Lestu um leikinn: ÍA 1 - 2 Leiknir R.
„Þetta var gríðarlega svekkjandi, við vorum sjálfum okkur verstir í dag og gáfum þeim tvö föst leikatriði sem við gerum sjálfsmörk í þeim báðum og færðum þeim sigurinn á silfurfati."
Þetta var síðasta umferð fyrir tvískiptingu hvernig leggst tvískiptingin í hópinn?
„Eins og staðan er núna eru menn gríðarlega vonsviknir og svekktir en sem betur fer fáum við tveggja vikna frí áður en úrslitakeppnin byrjar og við þurfum bara að brýna stálið og mæta af krafti til leiks í úrslitakeppninni það er ekkert annað í boði.
Viðtalið má sjá í heild sinni hér fyrir ofan.
Athugasemdir