Kjartan Kári Halldórsson
Óhugnanlegt atvik átti sér stað í leik Breiðabliks og FH er Kjartan Kári Halldórsson og Anton Ari Einarsson lentu í hörðu samstuði eftir rúman hálftíma leik á Kópavogsvelli.
Lestu um leikinn: Breiðablik 0 - 2 FH
FH-ingar komu með langan bolta fram sem Kjartan Kári hljóp á eftir en Anton Ari hljóp út úr markinu og lenti á Kjartani, sem lá óvígur eftir á vellinum.
Sjúkraþjálfarar beggja liða komu sér strax inn á völlinn til að huga að Kjartani og var í kjölfarið hringt á sjúkrabíl.
Kjartan var með meðvitund þegar hann var fluttur af velli og var settur í kraga, en líklega er um hálsmeiðsli að ræða.
„Mjög óhugnanlegt atvik. Maður er pínu sjokkeraður, en þetta lítur mjög, mjög illa út“ sagði Ríkharð Óskar Guðnason í lýsingu sinni á Stöð 2 Sport.
Það tók dágóðan tíma að hlúa að Kjartani áður en sjúkrabíll mætti inn á Kópavogsvöll og flutti hann á sjúkrahús.
Athugasemdir
