Sænska félagið Norrköping hefur sett sig í samband við Íslands- og bikarmeistara Víkings og fengið leyfi til að ræða við þjálfarann Arnar Gunnlaugsson. Fyrr í þessari viku var greint frá áhuga sænska félagsins á þjálfaranum.
Þetta staðfesti Kári Árnason, yfirmaður fótboltamála hjá Víkingi, í samtali við Fótbolta.net í dag.
Þetta staðfesti Kári Árnason, yfirmaður fótboltamála hjá Víkingi, í samtali við Fótbolta.net í dag.
„Þetta er á algjöru frumstigi, en þeir hafa haft samband og hafa greinilega áhuga," sagði Kári.
Arnar kláraði í síðasta mánuði sitt fimmta tímabil sem þjálfari Víkings og hefur hann náð frábærum árangri með liðið á sínum tíma þar. Alls eru titlarnir sex: tveir Íslandsmeistaratitlar og fjórir bikarmeistaratitlar.
Arnar er samningsbundinn Víkingi, skrifaði fyrir rúmu ári síðan undir þriggja ára samning.
Athugasemdir
