Fótbolti.net

lau 18.maí 2019 16:19

Guðmundur Aðalsteinn Ásgeirsson

Spánn: Valencia náði síðasta Meistaradeildarsætinu

Valencia fer í Meistaradeildina.

Mynd: NordicPhotos

Lærisveinar Simeone komu til baka og jöfnuðu í 2-2 manni færri.

Mynd: NordicPhotos

Valencia fer í Meistaradeildina að ári. Spennandi Meistaradeildarbaráttan á Spáni réðist núna áðan.

Valencia fór á heimavöll Real Valladolid og vann þar 2-0 sigur. Carlos Soler og Rodrigo Moreno skoruðu mörkin.

Getafe þurfti því að vinna Villarreal og sömuleiðis vinna upp markatöluna á Valencia. Fyrir leikina voru Getafe og Valencia jöfn að stigum en Valencia með 14+ í markatölu og Getafe 13+ í markatölu.

Svo fór að Getafe tókst ekki að vinna Villarreal. Getafe komst tvisvar yfir í leiknum en Villarreal jafnaði í bæði skiptin. Seinna jöfnunarmark Villarreal kom á 87. mínútu.

Valencia tekur því síðasta Meistaradeildarsætið og Getafe endar í sjötta sæti. Sevilla tekur fimmta sætið eftir 2-0 sigur á Athletic Bilbao.

Espanyol fer í Evrópudeildina eftir 2-0 heimasigur á Real Sociedad. Athletic Bilbao missir af sæti í Evrópukeppni.

Tíu leikmenn Atletico komu til baka
Í fyrsta leik dagsins lenti Atletico Madrid í vandræðum með Levante. Atletico lenti 2-0 undir og var staðan þannig í hálfleik.

Staðan skánaði ekki þegar Angel Correa lét reka sig af velli fyrir heimskulegt brot á 51. mínútu. En þrátt fyrir að vera manni færri náði Atletico að jafna metin í 2-2. Rodri og hinn 18 ára gamli Sergio Camello skoruðu mörkin.

Antoine Griezmann var væntanlega að leika sinn síðasta leik fyrir Atletico í dag. Hann er búinn að segja að hann vilji fara í sumar.

Atletico endar í öðru sæti deildarinnar en Levante er sem stendur í 14. sætinu.

Espanyol 2 - 0 Real Sociedad
1-0 Roberto Rosales ('58 )
2-0 Wu Lei ('66 )

Getafe 2 - 2 Villarreal
1-0 Francisco Portillo ('13 )
1-1 Vicente Iborra ('44 )
2-1 Nemanja Maksimovic ('76 )
2-2 Gerard Moreno ('87)

Sevilla 2 - 0 Athletic
1-0 Wissam Ben Yedder ('44 )
2-0 Munir El Haddadi ('90 )

Levante 2 - 2 Atletico Madrid
1-0 Erick Cabaco ('6 )
2-0 Roger Marti ('36 )
2-1 Rodri Hernandez ('68 )
2-2 Sergio Camello ('79 )
Rautt spjald:Angel Correa, Atletico Madrid ('51)

Valladolid 0 - 2 Valencia
0-1 Carlos Soler ('36 )
0-2 Rodrigo Moreno ('52 )

Deildin klárast á morgun, en það eru þrír leikir á dagskrá í kvöld.

Í kvöld:
18:45 Alaves - Girona
18:45 Celta - Vallecano
18:45 Huesca - Leganes

Á morgun
10:00 Real Madrid - Betis (Stöð 2 Sport)
14:15 Eibar - Barcelona (Stöð 2 Sport)

Stöðutaflan

Spánn Efsta deild 2018/2019

		L	U	J	T	ms:	mf:	mun	Stig
1	Barcelona	38	26	9	3	90	36	+54	87
2	Atletico Madrid	38	22	10	6	55	29	+26	76
3	Real Madrid	38	21	5	12	63	46	+17	68
4	Valencia	38	15	16	7	51	35	+16	61
5	Getafe	38	15	14	9	48	35	+13	59
6	Sevilla	38	17	8	13	62	47	+15	59
7	Athletic	38	13	14	11	41	45	-4	53
8	Espanyol	38	14	11	13	48	50	-2	53
9	Real Sociedad	38	13	11	14	45	46	-1	50
10	Alaves	38	13	11	14	39	50	-11	50
11	Betis	38	14	8	16	44	52	-8	50
12	Eibar	38	11	14	13	46	50	-4	47
13	Leganes	38	11	12	15	37	43	-6	45
14	Villarreal	38	10	14	14	49	52	-3	44
15	Levante	38	11	11	16	59	66	-7	44
16	Celta	38	10	11	17	53	62	-9	41
17	Valladolid	38	10	11	17	32	51	-19	41
18	Girona	38	9	10	19	37	53	-16	37
19	Huesca	38	7	12	19	43	65	-22	33
20	Vallecano	38	8	8	22	41	70	-29	32

Athugasemdir

Nýjustu fréttirnar