„Þetta var sanngjarnt jafntefli, bæði lið fengu tækifæri til að skora og stela þessu en það var lítið að frétta í þessu, gæðalítið og vindurinn setti svip á leikinn og niðurstaðan sanngjörn," sagði Úlfur Arnar Jökulsson þjálfari Fjölnis eftir markalaust jafntefli við Dalvík/Reyni fyrir norðan í dag.
Leikurinn var gæðalítill og lítið um færi en aðstæður fyrir norðan voru ekki upp á sitt besta. Seinni hálfleikurinn var hinsvegar mun fjörugri.
„Við fengum þarna þrjú mjög góð tækifæri til að skora en tókst ekki. Þeir skoruðu líka rangstöðumark og fengu líka tækifæri til að skora sjálfir. Þetta hefði geta fallið hvorum megin sem var en mér fannst þetta scrappy leikur og ágætt að fá jafntefli út úr þessu."
Fjölnir er komið með sjö stig eftir fyrstu þrjár umferðirnar eftir tvo sigra og jafnteflið á Dalvík í dag.
„Þetta er bara leikur tvö á þessum velli en við erum samt fyrsta liðið sem kemur hingað og sækir stig, þeir eru erfðir heima að sækkja. Þetta er er langt ferðalag fyrir okkur og erfitt að koma hingað. Við erum að halda hreinu annan deildarleikinn í röð sem er sterkt."
Athugasemdir
