Baldvin Ólafsson hefur verið ráðinn sem nýr aðstoðarþjálfari Magna og mun hann einnig leika með liðinu í Inkasso-deildinni næsta sumar.
Baldvin, 34 ára, er Norðlendingum vel kunnur enda hefur hann alla sína tíð leikið ýmist fyrir KA, Þór og Magna í þremur efstu deildum íslenska boltans.
Baldvin verður því aðstoðarmaður Sveins Þórs Steingrímssonar sem tók við liðinu af Páli Viðari Gíslasyni í byrjun ágúst. Sveinn Þór og Baldvin stýrðu Magna frá falli í haust og verður áhugavert að sjá hvernig þeim gengur saman næsta sumar.
Athugasemdir