Klukkan 20:00 halda 16-liða úrslit Meistaradeildarinnar áfram að rúlla, en í gær fóru fram tveir leikir.
Í kvöld eru aðrir tveir leikir. Lærisveinar Jose Mourinho mæta RB Leipzig, sem er að gera athyglisverða hluti í Þýskalandi undir stjórn hins 32 ára gamla Julian Nagelsmann. Leipzig er í öðru sæti þýsku úrvalsdseildarinnar, stigi á eftir Bayern.
Það má segja að þetta sé nýi skólinn gegn gamla skólanum; Mourinho gegn Nagelsmann. Mourinho hefur allt unnið og er einn sá sigursælasti í bransanum á meðan Nagelsmann er á mikilli uppleið.
Leikurinn í kvöld fer fram á hinum glæsilega heimavelli Tottenham í London. Son Heung-min og Harry Kane eru á meiðslalistanum hjá Tottenham og byrjar liðið ekki með neinn nátturulegan framherja.
Tottenham vann 3-2 sigur á Aston Villa um síðustu helgi. Frá þeim leik koma Gedson Fernandes og Giovani Lo Celso inn í byrjunarliðið.
Hjá Leipzig byrjar Ethan Ampadu, lánsmaður frá Chelsea, nokkuð óvænt, en hann hefur ekki byrjað leik í þýsku úrvalsdeildinni á tímabilinu. Timo Werner og Patrik Schick eru fremstir hjá Leipzig.
Byrjunarlið Tottenham: Lloris, Aurier, Alderweireld, Sanchez, Davies, Winks, Gedson, Lo Celso, Dele, Bergwijn, Lucas.
(Varamenn: Gazzaniga, Vertonghen, Tanganga, Dier, Skipp, Ndombele, Lamela)
Byrjunarlið Leipzig: Gulácsi, Mukiele, Ampadu, Klostermann, Halstenberg, Angelino, Laimer, Nkunku, Sabitzer, Schick, Werner.
(Varamenn: Mvogo, Haidara, Poulsen, Forsberg, Lookman, Wolf, Olmo)
Vantar marga hjá Valencia
Í hinum leik kvöldsins eigast við ítalska félagið Atalanta og Valencia frá Spáni. Leikurinn er heimaleikur Atalanta en verður spilaður á San Siro í Mílanó þar sem heimavöllur Atalanta uppfyllir ekki skilyrði UEFA.
Alessandro Florenzi, Gabriel Paulista, Ezequiel Garay og fleiri eru á meiðslalista. Francis Coquelin, Rodrigo, Manu Vallejo og Cristiano Piccini eru líka fjarri góðu gamni fyrir leikinn.
Þá er markvörðurinn Jasper Cillessen á bekknum þar sem hann hefur verið að glíma við meiðsli.
Atalanta er í fjórða sæti ítölsku úrvalsdeildarinnar á meðan Valencia er í sjöunda sæti á Spáni.
Byrjunarlið Atalanta: Gollini, Toloi, Palomino, Djimsiti, Hateboer, De Roon, Freuler, Gosens, Pasalic, Ilicic, Gomez.
(Varamenn: Sportiello, Caldara, Tameze, Muriel, Malinovskyi,
Castagne, Zapata)
Byrjunarlið Valencia: Doménech, Wass, Mangala, Diakhaby, Gaya, Torres, Parejo, Kondogbia, Soler, Gomez, Guedes.
(Varamenn: Cillessen, Correia, Costa, Gameiro, Cheryshev, Sobrino, Gutierrez)
miðvikudagur 19. febrúar
20:00 Atalanta - Valencia (Stöð 2 Sport 2)
20:00 Tottenham - RB Leipzig (Stöð 2 Sport)
Champions League mode: 🔛#UCL ⚪️ #COYS pic.twitter.com/KOzu4lFsc3
— Tottenham Hotspur (@SpursOfficial) February 19, 2020
Athugasemdir