Orri Sigurður Ómarsson.
Varnarleikurinn Orri Sigurður Ómarsson leikur ekkert með Val í sumar vegna meiðsla. Hann sleit krossband í æfingaleik gegn KA rétt fyrir mót.
Orri segist ætla að koma sterkari til baka.
„Jæja. Þá er það næsta áskorun. Áskorun sem enginn vill takast á en kemur því miður hjá alltof mörgum. Krossbandið slitið og aðgerð framundan sem þýðir að ég verð ekki með á þessu tímabili. Svona hlutir gerast og þá er bara spurningin hvernig maður tekst á við það. Ég mun koma sterkari til baka. Áfram gakk," skrifar Orri á Instagram.
Heimir Guðjónsson, þjálfari Vals, og Hólmar Örn, varnarmaður liðsins, töluðu báðir um það í gær að það væri mjög svekkjandi að missa Orra í meiðsli.
„Við erum með leikmenn sem geta fyllt í þetta skarð, en þetta er gríðarlegur missir. Orri er búinn að vera jafnbesti leikmaðurinn okkar á undirbúningstímabilinu og spilað gríðarlega vel," sagði Heimir.
„Vonandi nær hann sér fljótt og kemur sterkur til baka."
Athugasemdir
