Valur vann góðan 1-0 sigur á KA á Dalvíkur velli í dag. Heimir Guðjónsson, Þjálfari Vals var stoltur af liði sínu í dag.
Lestu um leikinn: KA 0 - 1 Valur
„Ég er gríðarlega stoltur af Valsliðinu í dag. Þetta var erfiður leikur, kaflaskiptur. Þeir byrjuðu miklu betur en við náðum að vinna okkur inn í þetta og náðum að kreista fram sigur."
Hvað fannst Heimi gera gæfu muninn í þessum leik?
„Mér fannst eftir því sem leið á leikinn náðum við betri og betri tökum á honum, náðum betra flæði í sóknarleikinn hjá okkur, boltinn var að ganga betur milli manna þannig að við vorum ánægðir með það."
Það er eitthvað um meiðsli hjá Val, Johannes Vall var ekki í hópnum í dag og það styttist í að Tryggvi Hrafn snúi aftur. Hver er staðan á þeim?
„Johannes meiddist á móti Breiðablik en ég reikna með því að hann verði klár á fimmtudaginn. Tryggvi Hrafn er byrjuaður að æfa með okkur, ég reikna með því að hann ætti að verða klár eftir 10 daga til tvær vikur"
Athugasemdir
