Byrjunarlið HK og Vestra: Bæði lið gera þrjár breytingar

Ómar Ingi, þjálfari HK gerir þrjár breytingar frá síðasta leik. Inn í byrjunarliðið koma þeir Atli Arnarson, Atli Þór Jónasson og fyrirliðinn Leifur Andri Leifsson sem var í leikbanni í síðustu umferð.
Úr byrjunarliði HK víkja þeir Kristján Snær, Brynjar Snær og Hákon Ingi.

Vestri tapaði 0-2 gegn KA í síðustu umferð en þeir gera einnig þrjár breytingar á sínu liði. Davíð Smári Lamude þjálfari Vestra verður ekki á hliðarlínunni en hann er í leikbanni vegna uppsafnaðra spjalda.
Inn í byrjunarliðið koma þeir Elvar Baldvinsson, Vladimir Tufegdzic og Toby King.
Úr byrjunarliðinu víkja Pétur Bjarnason, Jeppe Gertsen og Fatai Gbadamosi sem er í leikbanni. Pétur og Jeppe eru báðir utan hóps í dag.

Byrjunarliðin má sjá í heild sinni hér að neðan.