Mynd: Fótbolti.net - Hafliði Breiðfjörð

Pétur segir þennan leik vera mjög týpískan leik þar sem ekkert ætlaði að ganga upp.

„Stundum færðu svona leiki þar sem þú sækir og sækir og sækir en þær fara upp í eina sókn og skora. Þetta er svona týpískur leikur en við tókum öll völd á leiknum og spiluðum hann stórkostlega.“

Valskonur voru mikið betri í dag og sérstaklega í seinni hálfleik.

„Mér fannst spilamennskan frá fyrstu mínútu góð, það var eins og fyrsta markið þeirra skipti ekki máli. Við bættum margt í seinni hálfleik líka. Fanndís, Ísabella og Þórdís gerðu vel á köntunum. Ég vil bara hrósa stelpunum fyrir frábæran leik.“

Natasha Anasi spilaði sinn fyrsta leik fyrir Val í dag en Pétur er mjög ánægður með hana bæði sem leikmann og persónu.

„Ég er búinn að fylgjast með henni lengi og lýst mjög vel á hana. Hún var næstum því á leiðinni til okkar fyrir nokkrum árum síðan en hún spilaði þennan leik mjög vel. Ég veit að hún er frábær leikmaður bæði sóknarlega og varnarlega. Ekki nóg með það heldur er hún frábær persóna líka. Þetta kemur allt í plús hjá okkur.“

Fyrir viðtalið benti Pétur á Glódísi Perlu, fyrirliða Bayern Munchen, sem var mætt niður á völl eftir leik, kallaði á hana og sagði svo í góðu gríni við undirritaðan að hún væri búin að skrifa undir hjá Val.

„Ég mun allavegana tala við Glódísi núna og spurja hana hvort hún sé á leiðinni heim. En nei ég geri ekki ráð fyrir því að við munum bæta við leikmönnum. Við erum aðeins í smá meiðslum núna. Hópurinn hjá okkur er ekkert rosalega stór en samt einhverjir 19 leikmenn. En ef það dettur eitthvað inn hjá okkur veit maður aldrei. En eins og staðan er í dag erum við ekki að fara að fá inn fleiri leikmenn.“

Viðtalið við Pétur má sjá í heild sinni í spilaranum hér að ofan.