Böðvar Böðvarsson hefur skrifað undir samning við Helsingborg í Svíþjóð en hann kemur þangað frá Póllandi.
Þessi öflugi vinstri bakvörður hefur spilað í Póllandi undanfarin þrjú ár en hann lék þar með liði Jagiellonia.
Samningi Böðvars við Jagiellonia var rift fyrr í þessum mánuði og hélt hann því í sænsku B-deildina.
Deildin í Svíþjóð er ekki byrjuð en Helsingborg hefur leik þann 13. apríl gegn Sundsvall.
Helsingborg birti myndband á Twitter síðu sína í gær þar sem Böðvar heilsar stuðningsmönnum sænska liðsins.
„Hæ stuðningsmenn Helsingborg, það er gott að vera loksins kominn hingað og ég vona að ég sjái ykkur bráðlega á vellinum," sagði Böðvar.
🙌🏻 | Bödvar Bödvarsson är äntligen på plats! pic.twitter.com/ULYd7zE9mx
— Helsingborgs IF (@HelsingborgsIF) March 20, 2021
Athugasemdir