Fjórum leikjum er lokið í ítalska boltanum í dag þar sem Ítalíumeistarar Juventus töpuðu heimaleik gegn Benevento.

Það er ansi heitt undir Andrea Pirlo og er útlit fyrir að Juve takist ekki að vinna tíunda Ítalíumeistaratitilinn í röð.

Adolfo Gaich gerði eina mark leiksins fyrir Benevento en heimamenn í Juve áttu 23 marktilraunir án þess að koma knettinum í netið. Aftur á móti var aðeins ein marktilraun hjá Benevento sem hæfði rammann og í það skiptið fór boltinn inn.

Juve er í þriðja sæti eftir tapið, tíu stigum eftir toppliði Inter. Sigurinn er mikilvægur fyrir nýliða Benevento sem eru núna komnir sjö stigum frá fallsvæðinu.

Juventus 0 - 1 Benevento
0-1 Adolfo Gaich ('69 )

Atalanta og Lazio unnu þá útileiki sína í dag og náðu í mikilvæg stig í Evrópubaráttunni.

Atalanta er í fjórða sæti og Lazio í því sjöunda, einu stigi frá Roma og Napoli í Evrópusæti.

Sampdoria hafði að lokum betur gegn fallbaráttuliði Torino, sem er einu stigi frá fallsæti.

Verona 0 - 2 Atalanta
0-1 Ruslan Malinovskiy ('33 , víti)
0-2 Duvan Zapata ('42 )

Udinese 0 - 1 Lazio
0-1 Adam Marusic ('37 )

Sampdoria 1 - 0 Torino
1-0 Antonio Candreva ('25 )

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit