Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   fim 21. júní 2018 09:15
Arnar Daði Arnarsson
Spáð er yfir 30 gráðum á meðan Ísland leikur við Nígeríu
Ísland - Nígería á morgun
Icelandair
Strákarnir okkar þurfa að kljást bæði við Nígeríu og hitann á morgun.
Strákarnir okkar þurfa að kljást bæði við Nígeríu og hitann á morgun.
Mynd: Fótbolti.net - Hafliði Breiðfjörð
Eins og við fjölluðum við fyrr í vikunni er spáð miklum hita á leikdegi í Volgograd á morgun, þegar Ísland mætir Nígeríu í öðrum leik sínum á Heimsmeistaramótinu í Rússlandi.

Hitatölurnar hafa þó örlítið lækkað fyrr um daginn, en spáð er 31° og sól á meðan á leik stendur á Volgograd leikvanginum. Leikurinn hefst klukkan 18:00 í Rússlandi (15:00 á Íslandi).

Helgi Kolviðsson, aðstoðarlandsliðsþjálfari, sagði á fréttamannafundi Íslands í gær að menn séu við öllu búnir fyrir leikinn á föstudag, bæði hvað varðar hitann og flugurnar.

„Auðvitað höfum við rætt um þetta. Við höfum fengið upplýsingar og hjálp með þetta," sagði Helgi á fréttamannafundi í dag.

„Þetta eru hlutir sem við getum ekki breytt og við þurfum að taka þessu. Við erum með lækna og reynum að undirbúa okkur eftir bestu getu. Kannski hjálpar að taka vítamín eða eitthvað svoleiðis. Þetta verður eins fyrir bæði lið."

Veðurspáin í Reykjavík er öllu lægri, 9° og skýjað.

Sjá einnig:
„Kúgast ef ég fæ flugur upp í mig"
Kane kvartar yfir flugunum - Ísland spilar þarna á föstudag
Athugasemdir
banner
banner
banner