Ingvar Þór Kale snéri aftur í Víking fyrir tímabilið með það að markmiði að hjálpa liðinu upp í efstu deild. Því markmiði náð hann í dag þegar Víkingur tryggði sér sæti í Pepsi-deildinni eftir 2-1 sigur á Þrótti. Víkingar lentu undir í leiknum.
Lestu um leikinn: Þróttur R. 1 - 2 Víkingur R.
,,Það er frábært að klára þetta. Þetta var erfiður leikur, þungur völlur og erfitt að spila hérna. Það er frábært að ná að klára þetta eftir að hafa lent undir. Það er hamingja í Fossvoginum í dag," sagði Ingvar Kale markvörður Víkinga sem sagðist hafa talað við Pape í hálfleiknum, en Pape reyndist vera hetja Víkinga því hann skoraði bæði mörk liðsins í dag.
,,Þróttarar gáfu allt í leikinn og við vissum að þeir myndu ekki gefa okkur neitt. Þetta var mjög gott hjá okkur að koma til baka. Ég sagði við Pape í hálfleik að hann væri ekki búinn að geta neitt og að hann ætti fullt inni. Hann stóð við það og kláraði sitt," sagði Ingvar.
Viðtalið er í heild sinni í sjónvarpinu hér að ofan.
Athugasemdir
