Hver tekur við Aston Villa? - Ronaldo fékk háa sekt

Mauricio Pochettino, fyrrum stjóri Tottenham og PSG, er óskastjóri Aston Villa eftir að Steven Gerrard var rekinn í gær. Glenn Murray, sérfræðingur BBC, telur hinsvegar verulega ólíklegt að Pochettino sé tilbúinn að taka að sér starfið og fara í fallbaráttu. (BBC)

Ashley Preece, íþróttafréttamaður í Birmingham, telur að Pochettino gæti tekið við Villa. Stjórnarformaður félagsins Nassef Sawiris sé mjög metnaðarfullur og fjölskylda hans eigi nóg af peningum. (BBC)

Önnur nöfn sem hafa verið orðuð við stjórastarf Aston Villa eru Unai Emery stjóri Villarreal og fyrrum stjóri Arsenal, Michael Beale sem var aðstoðarmaður Gerrard en tók við QPR í sumar, Sean Dyche fyrrum stjóri Burnley og Thomas Tuchel sem var rekinn frá Chelsea. (BBC)

Brendan Rodgers, stjóri Leicester, segist trúa því að Gerrard hefði náð markmiðum sínum með Villa ef hann hefði fengið tíma og þolinmæði. (BBC)

Chelsea er tilbúið að lána Romelu Lukaku (29) aftur til Inter á næsta tímabili, áður en hann verður seldur á tilboðsverði. (Gazzetta dello Sport)

Crystal Palace íhugar að gera janúartilboð í framherjann Ben Brereton Díaz (23) hjá Blackburn. (Sun)

Sevilla er talið líklegast til að fá Brereton Díaz frá Blacburn. Everton, Leeds og Fulham hafa einnig áhuga. (Football Insider)

Arsenal gæti reynt að kaupa franska vinstri bakvörðinn Evan Ndicka (23) frá Eintracht Frankfurt í janúar. (Standard)

AC Milan hefur áhuga á albanska sóknarmanninum Armando Broja (21) hjá Chelsea. (Calciomercato)

AC Milan hefur einnig áhuga á Hakim Ziyech (29) leikmanni Chelsea og vonast til þess að gera sex mánaða lánssamning við marokkóska vængmanninn sem tæki gildi í janúar. (Calciomercato)

Galatasaray hefur áhuga á þýska miðjumanninum Ilkay Gundogan (31) hjá Manchester City. Hann á innan við ár eftir af samningi sínum. (Sun)

Arsenal, Manchester City, Juventus, Roma og AC Milan hafa áhuga á írska miðjumanninum Rocco Vata (17) hjá Celtic. Hann er U19 landsliðsmaður Íra. (Tuttomercatoweb)

Cristiano Ronaldo (37) fékk sekt frá Manchester United upp á eina milljón punda eftir að hann strunsaði af Old Trafford í sigrinum gegn Tottenham. (Star)

United gæti látið Ronaldo fara á frjálsri sölu í janúar ef ekkert félag vill kaupa hann. (inews)

Inter Miami í bandarísku MLS-deildinni gæti reynt að fá Ronaldo. (Mirror)

Real Madrid, Paris St-Germain og Manchester City hafa sent njósnara til að fylgjast með georgíska vængmanninum Khvicha Kvaratskhelia (21) hjá Napoli. (90min)

Slóvakíski miðjumaðurinn Stanislav Lobotka (27) mun skrifa undir nýjan samning við Napoli þrátt fyrir áhuga frá Arsenal, Liverpool og Tottenham. (90min)

Arsenal hafði áhuga á að fá nígeríska varnarmanninn Calvin Bassey (22) í sumar en hann fór frá Rangers til Ajax. (Own Goal Nigeria)