Fótbolti.net

Ray Anthony: Eigum eftir að styrkja okkur betur

Hjörvar Daði: Markmiðið er að fara upp

Damir: Auðveld ákvörðun að velja Grindavík

Höskuldur: Varnarmennirnir gátu aldrei verið þægilegir út af honum

Ágúst Orri: Hann fer nánast á rassgatið

Óli Skúla: Sýndi að hann er frábær leikmaður

Ólafur Ingi: Draumastaða er bara þrjú stig

Sviptu hulunni af Loga Ólafs sem sagði af sér um leið

Höskuldur: Ég er mikill unnandi Loga sem persónu og leikmanns

Árni Guðna: Aldrei spurning þegar kallið kom héðan

Jói Kalli: Langaði ekki að vera lengur einn úti

Alex Freyr: Tók eitt símtal frá Davíð Smára

Sá fyrir sér að spila allan ferilinn með Völsungi en fetar í spor föður síns

Útskýrir af hverju hann er orðinn þjálfari Sindra: Ákvað að hætta í janúar

„Vissi að það yrði erfitt að kveðja en varð mun erfiðara en ég átti von á"

29 ára þjálfari í efstu deild - „Frábært að koma inn í svona stórt félag"

Lítur á HK sem klárt skref upp á við - „Kitlar egóið að vera í þannig stöðu"

Sverrir spenntur fyrir framtíðinni: Við erum með mjög gott lið

Elías Rafn: Eigum ekki að fá á okkur svona einföld mörk

Hákon Arnar: Mun taka tíma að jafna sig á þessu

mið 22. janúar 2014 23:36

Hafliði Breiðfjörð

Páll Kristjánsson þjálfari KV: Ólíðandi framkoma í alla staði

Páll Kristjánsson og Halldór Árnason eru þjálfarar KV. Páll (t.v.) er í viðtali við Fótbolta.net í kvöld og ræðir meðal annars atvikið þar sem Vilhjálmur Darri Einarsson úthúðaði honum í leiknum.

Mynd: Fótbolti.net - Hafliði Breiðfjörð

,,Ég bara þoli ekki ákveðna hegðun, ólíðandi hegðun sem tiltekinn aðili sýndi inni á vellinum. Gjörsamlega óafsakanleg," sagði Páll Kristjánsson þjálfari KV eftir 2-0 tap gegn Fylki í Reykjavíkurmótinu í kvöld.

Þar tjáir hann sig um atvik sem varð í lok fyrri hálfleiks þegar hann bað Vilhjálm Darra Einarsson að róa sig. Vilhjálmur Darri reifst við hann svo Páll ákvað að skipta honum af velli. Við skiptinguna upphófst uppákoma þar sem Vilhjálmur Darri úthúðaði þjálfaranum en Fótbolti.net náði því á myndband sem var birt hér fyrr í kvöld.

,,Hann er þó allavega búinn að koma og biðjast afsökunar og er meiri maður fyrir vikið. En það er alveg ljóst að það þarf að taka þetta og skoða, það hagar sér enginn svona hjá okkur. Það kemur ekki til greina. Ólíðandi framkoma í alla staði."

Á hann einhverja framtíð fyrir sér hjá félaginu?

,,Hann er sprækur strákur og efnilegur. Hver er sinnar gæfu smiður og það er undir honum komið. Ef hann tekur til í hausnum á sér þá hefur hann alla burði til að vera góður fótboltamaður."

Ertu tilbúinn að fyrirgefa honum þessa framkomu?

,,Hann kom þó og bað mig afsökunar. Ég tók í spaðann á honum og tek þetta ekki persónulega þannig séð. En þetta er ekki eins manns klúbbur og við í stjórninni þurfum bara að setjast saman og fara yfir þetta og taka ákvörðun um hvað við viljum gera og hvernig við viljum tækla svona mál."

,,Ég hef aldrei lent í þessu áður og vil ekki lenda í þessu aftur. Ég veit að aðrir í liðinu myndu aldrei gera þetta."

Þú sýndir smá að þú ætlaðir að hafa aga á honum með því að taka hann útaf eftir að hann reifst við þig í leiknum?

,,Já, það var sameiginleg ákvörðun okkar þjálfaranna að kippa honum útaf. Við stöndum og föllum með því og ég veit að það var rétt ákvörðun."

Nánar er rætt við hann í sjónvarpinu að ofan.

Sjá einnig:
Leikmaður KV við þjálfarann: Þú ert fokking mongólíti