Ange Postecoglou, stjóri Tottenham, var virkilega ánægður með 2-3 sigur liðsins gegn Hoffenheim í Evrópudeildinni í kvöld.
„Það er ekki auðvelt að vinna á útivelli í Evrópu, ég horfði á Meistaradeildina í gær og það var aðeins einn útisigur. Hrós á strákana, þeir spiluðu stórkostlega í fyrri hálfleik. Við virkuðum svolítið þreyttir íi seinni hálfleik en náðum að klára þetta og Son skoraði auka mark til að gefa okkur smá slaka," sagði Postecoglou.
„Skólastrákarnir voru á vellinum í lokin og þetta var frábær sigur."
Liðið komst upp í 4. sæti með sigri. Liðið hefur verið að berjast mikið við leikbönn en liðið fengi kærkomið frí ef það endar í einu af átta efstiu sætunum.
„Þetta gefur okkur góða möguleika á því að enda í einu af átta efstu sætunum sem myndi gefa okkur auka vikufrí, það er nánast jafn gott og að komast áfram," sagði Postecoglou.
„Þetta er frábær staða, við viljum enda í einu af átta efstu sætunum því það gefur okkur vikufrí og hvíld frá þessu leikjaprógrammi sem við höfum verið í."
Athugasemdir
