Bellingham, sem er markahæsti leikmaður Madrídinga á tímabilinu, meiddist í leik gegn Girona þann 10. febrúar.

Hann hefur ekkert verið með liðinu síðan en vonast er til þess að hann geti byrjað að æfa á fullu á næstu dögum.

Englendingurinn hefur síðustu vikur verið að glíma við óþægindi í ökkla og munu því Madrídingar ekki flýta fyrir endurhæfingaferlinu.

Áætlað er að hann verði orðinn klár fyrir leikinn gegn Valencia sem fer fram 2. mars.

Real Madrid er með sex stiga forystu á toppnum í La Liga og er þá komið með annan fótinn í 8-liða úrslit Meistaradeildar Evrópu.