Mbappe tók sér dágóðan tíma í að ákveða framtíð sína. Hann var með tilboð frá PSG og Real Madrid en ákvað að taka tilboði PSG, þar sem hann verður launahæsti leikmaður allra tíma og mun hafa meiri völd innan félagsins.

Hann tilkynnti Florentino Perez, forseta Real Madrid, að hann ætlaði sér ekki að ganga til liðs við félagið en skilur að félagið er vonsvikið með ákvörðun hans að vera áfram í París.

„Ég vil senda innilegar þakkir til Real Madrid og forseta félagsins, Florentino Perez. Ég átta mig svo sannarlega á heppninni og þeim forréttindum að svona frábært félag vilji fá mig

„Ég skil vonbrigði þeirra. Ég verð í París, heimili mínu, að hvetja liðið áfram í úrslitaleik Meistaradeildar Evrópu," sagði Mbappe.