Axel Witsel, sem getur leyst það að spila bæði í vörn og á miðju, er í hópnum 18 mánuðum eftir að hann tilkynnti að hann væri hættur að spila með landsliðinu.

Witsel, sem er 35 ára gamall, spilar í dag með Atletico Madrid og var þar í stóru hlutverki í vetur.

Toby Alderweireld, sem er einnig 35 ára gamall, er líka í hópnum þótt hann væri búinn að gefa það út að hann væri hættur með landsliðinu. Alderweireld leikur með Antwerp í heimalandinu.

Witsel hefur spilað 130 landsleiki og Alderweireld hefur leikið 127 landsleiki. Það eru meiðslavandræði í vörninni hjá Belgíu og þeir gætu báðir hjálpað til við það.