Henning Berg var samherji Ole Gunnar Solskjær, bæði hjá Manchester United og norska landsliðinu. Berg ræddi við morgunútvarp BBC í morgun um stjóramál United en Solskjær var rekinn á sunnudaginn.
„Hann er toppmaður og ég finn til með honum á ýmsa vegu," segir Berg.
„Hann er toppmaður og ég finn til með honum á ýmsa vegu," segir Berg.
„Hann veit sjálfur vel hvernig hlutirnir ganga fyrir sig í fótboltanum en tilfinningar hans til United voru augljósar og hversu mikið honum langaði til að stíga næst skref með liðinu. Hann hefur gert vel og liðið verið í nálægð við titla."
„Liðið er nálægt bestu liðunum en vildi taka skrefið alla leið og Solskjær tókst ekki að stíga það. En ef við horfum á stöðuna núna og þegar hann tók við þá tel ég að hann hafi unnið gott starf."
Berg telur að Mauricio Pochettino, sem er mikið í umræðunni, yrði mjög góður kostur fyrir United.
„Þið sjáið hvað hann gerði hjá Southampton og Tottenham, hvernig hann þróaði liðin og leikmennina. Hann spilaði góðan fótbolta," segir Berg.
Athugasemdir