ÍA hefur verið í neðri hlutanum í ár og þurfti sigur til þess að aðskilja sig algerlega frá fallbaráttunni.

Birgitta Lilja Sigurðardóttir opnaði leikinn með marki á 20. mínútu og náðu Skagakonur að bæta við öðru þegar tíu mínútur voru eftir.

Olivia Simmons minnkaði muninn fyrir Keflavík tveimur mínútum síðar en fleiri urðu mörkin ekki og lokatölur því 2-1 ÍA í vil. ÍA er í 6. sæti með 18 stig og komið upp fyrir Keflavík sem er í 8. sæti með 15 stig.

Grindavík/Njarðvík blandar sér í toppbaráttuna

Grindavík/Njarðvík vann öflugan 2-0 sigur á Gróttu á Vivaldi-vellinum á Seltjarnarnesi og var leikurinn í beinni textalýsingu hér á Fótbolta.net.

Gestirnir komust yfir á 9. mínútu er Emma Nicole Phillips skoraði með skoti fyrir utan teig. Heilt yfir var Grindavík/Njarðvík betra liðið og tókst því að skapa sér urmul af færum sem fóru forgörðum.

Júlía Rán Bjarnadóttir bætti við öðru marki á 58. mínútu og aftur kom það eftir hornspyrnu.

Heimakonur fóru að sækja eftir annað markið. Þær reyndu og reyndu en höfðu ekki erindi sem erfiði og lokatölur því 2-0 á Nesinu.

Grindavík/Njarðvík er í þriðja sæti deildarinnar með 26 stig, tveimur stigum frá HK sem er í öðru sæti og fimm stigum frá toppliði ÍBV á meðan Grótta er í 4. sæti með 22 stig.

Grótta 0 - 2 Grindavík/Njarðvík
0-1 Emma Nicole Phillips ('9 )
0-2 Júlía Rán Bjarnadóttir ('58 )
Lestu um leikinn

Keflavík 1 - 2 ÍA
0-1 Birgitta Lilja Sigurðardóttir ('20 )
0-2 Madison Brooke Schwartzenberger ('80 )
1-2 Olivia Madeline Simmons ('82 )