Dalvík/Reynir fær enskan sóknarmann (Staðfest)

Malakai er fæddur 2003 og getur leikið í holunni fyrir aftan fremsta mann eða í fremstu víglínu. Hann ólst upp hjá Bolton en skipti yfir í akademíuna hjá Bury FC áður en hann fór til Chorley sem leikur í sjöttu efstu deild enska deildakerfisins.

Hann losnaði undan samningi hjá Chorley fyrir ári síðan og ætlar núna að reyna fyrir sér á Íslandi.

Malakai kom inn í hálfleik í sigri Dalvíkur/Reynis gegn KH í 3. deildinni í gær og verður áhugavert að fylgjast með framför hans í íslenska boltanum. 

Dalvík/Reynir deilir toppsæti þriðju deildar ásamt KFG og Víði en er í þriðja sæti á markatölu.