Mark Noble, fyrirliði West Ham var í viðtali eftir leikinn í dag. Hann, eins og kemur fram hér að ofan, var einn þriggja sem David Moyes, stjóri West Ham, setti inn á í hálfleik.

Noble segir liðið ekki eiga að vera á þeim stað að þurfa að treysta á hans framlag af bekknum. „Hjá félagi af þessari stærðargráðu sem hefur eytt jafn miklu og við höfum eytt, getur þú ekki sett allt traustið á mig."

„Það er ekki hægt að treysta á mig að koma inn á í hálfleik í leik í ensku bikarkeppnijni - hlutirnir ættu ekki að vera þannig," sagði Noble eftir leik.

Noble verður 33 ára í vor. Noble fékk besta færi West Ham í leiknum en brást bogalistin.